नयाँलिपिः काठमाण्डौमा रहेको इशा हेल्पलाइन केयर गिभिङ ट्रेनिङ् एण्ड रिसर्च सेन्टरको नाममा विद्यार्थी ठगी गर्ने चितवनका प्रदिप सुवेदीलाई प्रहरीले पक्राउ गरेको छ ।
सुवेदीले चितवनमा रहेको जिडी मल्टी टेक्निकल कलेज प्रालिलाई इशा हेल्पलाइनको शाखा भन्दै ठगी गरेको चितवन प्रहरीले जनाएको छ । सुवेदीले काठमाण्डौंको इशा हेल्पलाइन र जिडी मल्टिपल एउटै हो भनि विद्यार्थीलाई झुक्याइ लाभ लिएको प्रहरीको भनाई छ ।
बागलुङ गलकोट १० का सुवेदीलाई प्रहरीले भरतपुर नगरपालिकाबाट पक्राउ गरी चितवन जिल्ला अदालतबाट ६ दिनको म्याद लिई ठगीसम्बन्धी कसुरमा अनुसन्धान सुरु गरेका चितवन प्रहरीका प्रहरी नायब उपरीक्षक भेषराज अधिकारीले जानकारी दिएका छन् ।
