सुनसरीमा दुई समुदायबीच सुरु भएर अन्य जिल्लामा फैलिएको प्रदर्शन सिरहामा चर्किएको छ ।
आगजनी, लुटपाट हुन थालेपछि नेपाली सेना पनि फिल्डमा उत्रिएको छ । गोली लागेर एक जनाको मृत्यु भएको छ ।
प्रदर्शनकारीले गोलबजारस्थित एबी मलमा आगजनी गरेका छन्। प्रदर्शनकारीहरू उग्र भएपछि गोलबजारस्थित सिरहा सुपरमार्केटद्वारा सञ्चालित एबी मलमा आगो लगाइएको छ। भदौ २४ मा भाटभटेनी जलाइएकै शैलीमा उक्त मलमा आगो लगाइएको हो ।
प्रदर्शनका क्रममा जिल्लाका विभिन्न स्थानमा तोडफोड र आगजनीका घटना तीव्र भएका छन्। नेपाली सेनासमेत सडकमा निस्किए पनि तनाव थामिनुभन्दा झन् झन् चर्किएको छ।
