नेपाली कम्युनिष्ट पार्टी नेकपाले आज पोखरामा आयोजना गरेको सन्देशसभापूर्व स्थानीय व्यवसायीहरुले विरोध गरेका छन् ।
पोखराको मानव अधिकार चोकमा आयोजना गर्न लागिएको सभामा नजिकै रहेको ट्रेडमलका व्यवसायीहरूले असन्तुष्टी जनाएका हुन् । उनीहरुले बाराम्बार उक्त स्थानमा राजनीतिक कार्यक्रम गर्दा व्यवसायमा असर परेको गुनासो गरेका छन् ।
सोही अनुरुप एकता सन्देश सभामाथि पनि उनीहरुले विरोध गरेका हुन् । यस स्थलमा आज नेकपाका शीर्ष नेता पुष्पकमल दाहाल, माधवकुमार नेपाल, भीम रावललगायतले सम्बोधन गर्नेछन् ।
व्यवसायीहरूले गरि खान देउँ, व्यापारी मार्न पाइँदैन, व्यवसाय चल्न देउँ लगायतका प्लेकार्डसहित विरोध गरेका हुन् ।
हाल सभास्थलमा सुरक्षाकर्मीको संख्या बढाइएको छ ।
