केही दिनअघि प्रधानमन्त्री सुशीला कार्कीले मुस्लिम समुदायलक्षित भनाई राखेकोमा भएको विरोधपछि आज आफनो त्यस्तो नियत नभएको बताएकी छिन् ।
प्रम कार्कीले मुस्लिम धर्ममा महिलामाथि हिंसा हुने, जिउँदै गाड्ने, पढ्न नदिनेलगायतको टिप्पणी गरेकी थिइन् ।
सोही भनाइउपर विरोध हुँदै आएकोमा आज प्रमले ‘कुनै पनि धर्म वा समुदायलाई होच्याउने मेरो आशय र नियत होइन, छैन। सबै धर्मप्रति मेरो उत्तिकै सम्मान छ’ भनेकी छिन् ।
सामाजिक सञ्जालमा उनले लेखेकी छिन्:
नमस्कार
लैंगिक हिंसाविरुद्धको १६दिने अभियान शुभारम्भका क्रममा मैले दिएको अभिव्यक्तिमा रहेर विभिन्न टिप्पणी भएका रहेछन्। कुनै पनि धर्म वा समुदायलाई होच्याउने मेरो आशय र नियत होइन, छैन। सबै धर्मप्रति मेरो उत्तिकै सम्मान छ। शान्ति, सद्भाव र सहिष्णुता कायम राख्न सबैमा विनम्र अनुरोध छ।
