बिमाको सवाईस्वास्थ्य बिमा नाममात्रको डाक्टर भेट्नै गाह्रो
लाइनमा बस्दा बस्दै ज्यानै जाने पारो।
एकदिन टिकट लियो डाक्टर भेट्न नपाई
घर फर्किन पर्ने हुन्छ अस्पतालबाटै ।
बल्लतल्ल डाक्टर भेट्यो रगतपिसाब जाँच्यो
हप्तौँ पछि आउँछ पालो गर्नलाई भिडियो ।
पन्ध्र दिनमा रिपोर्ट जम्मा पारी डाक्टर भेट्दा
ढिलो भयो भन्छन् डाक्टर उपचार गर्दा ।
डाक्टरले औषधी लेख्छन् पन्ध्र दिनको
अधिकांश औषधी नै छैन फार्मेसीको ।
दाँतको उपचार त झनै सोच्नै नसकिने
दुई महिनामा यदाकदा पालो रैछ आउने ।
एकातिर दिए जस्तो गर्छौ सरकार तिमी
व्यवहारमा निसास्सेछौँ बिमा गर्ने हामी ।
सरकारका स्वास्थ्य मन्त्री गुड्डी हाँक्दै हिड्ने
जनता हामी कसरी हो स्वास्थ्य सेवा लिने ?
गरिबी र रोगले गाल्छ अर्कोतिर तिम्ले
बिमा गर्न उक्साउँदै पीडा हाम्लाई दिने ।
कागजका योजनाले दिंदैन है उपचार
भीखै माग्या जस्तो गर्छौ केही छैन आचार ।
गुणस्तरीय उपचार देऊ जनतालाई
जनताका माझ जोगाऊ तिम्रो अस्तित्वलाई ।
यतिभन्दा के भनौँ र बुझ्ने आफैँ सरकार
अति भए खती हुन्छ राख आफैँ दरकार ।
बिमा पीडित जनता
