नयाँलिपिः पोखराको वन विज्ञान अध्ययन संस्थान नजिकै सोमबार बिहान एक पुरुषको हत्या अभियोगमा पवन रानालाई कास्की जिल्ला अदालतबाट म्याद थप गरी अनुसन्धान सुरु गरिएको छ ।
रानालाई तनहुँका २० वर्षीय मनोज भुजेलको हथौडाले हानी हत्या गरेको अभियोगमा जिल्ला प्रहरी कार्यालय कास्कीले अदालतबाट ४ दिनको म्याद थप गरेको हो ।
मनोजको शव भेटिएपछि प्रहरीले स्याङ्जा पकवादी गाउँपालिका-९ स्थायी घर भई हाल पोखरा-१४ छिनेडाँडा बस्ने २० वर्षीय ट्याक्टर चालक पवन रानालाई ग १ त ३३२० नम्बरको ट्याक्टरसहित पक्राउ गरेको थियो ।
प्रारम्भिक सोधपुछमा रानाले जन्मदिनको पार्टीपछि फर्कने क्रममा ट्रयाक्टरबाट खसेर मनोजको मृत्यु भएको बताएका थिए ।
सोही ट्रयाक्टरको पाङ्ग्राले कुल्चँदा उनको मृत्यु भएको रानाको भनाई छ ।
