नयाँलिपिः नेपाल प्रिमियर लीग (एनपीएल)को फाइनल खेलपछि सामाजिक सद्भाव बिगार्न खोजेको आरोपमा प्रहरीले २ जनालाई पक्राउ गरेको छ ।
पक्राउ पर्नेमा डोटी आदर्श गापा घर भई कीर्तिपुर बस्ने अशोक साउद र डोटीकै सिलगडी घर भई भाजंगल बस्ने गणेश साउद रहेका छन् । उनीहरु सुदूरपश्चिम रोयल्सका समर्थक भएको बताइएको छ ।
फाइनलमा जनकपुर बोल्ट्ससँगको हारपछि साउदद्वयले विभिन्न व्यक्तिउपर गालीगलौज र अभद्र व्यवहार गरेको प्रहरीको आरोप छ ।
उनीहरुलाई पक्राउ गरेसँगै घटनामा संलग्न थप व्यक्तिहरुको खोजी भइरहेको प्रहरी वृत्त कीर्तिपुरले जनाएको छ ।
