एजेन्सी । साउदी प्रो लिग अन्तर्गत अल नासर बराबरीमा रोकिएको छ । गएराती सम्पन्न खेलमा अल नासर अल ताओउनसँग १-१ गोलको बराबरीमा रोकिएको हो ।
यस खेलमा अल नासरका लागि खेलको ६४औँ मिनेटमा आयमेरिक लापोर्टले गोल गर्दै हारबाट बचाएका थिए । त्यस्तै अल ताओउनका लागि खेलको ४५औं मिनेट पछिको अतिरिक्त समयमा साद फहाद अल नासेरले शुरुवाती गोल गरेका थिए ।
यो बराबरीपछि अल नासरको १५ खेलमा २९ अंक भएको छ र लिगमा चौथो स्थानमा रहेको छ । त्यस्तै अल ताओउनको १५ खेलमा २२ अंक भएको छ र लिगमा आठौँ स्थानमा रहेको छ ।
