जय ट्रफी : आज दुई खेल हुदै

काठमाडौं । जय ट्रफी पुरुष एलिट कपमा आज दुई खेल हुँदैछन्।

जनपुरस्थित रामजानकी मैदानमा आर्मी र बागमती प्रदेश,वीरगन्जको नारायणी क्रिकेट मैदानमा पुलिस र मधेश प्रदेश आमने सामने हुनेछन्।दुवै खेल आज बिहान ९ बजे सुरु हुनेछ।

दुवै टोली पहिलो जितको लक्ष्यमा हुनेछन्। पहिलो खेलमा बागमती मधेश प्रदेश तथा आर्मी पुलिससँग बराबरीमा रोकिएका थिए।

विनोद भण्डारीको कप्तानीमा रहेको आर्मीका लागि शाहब आलम मुख्य खेलाडीका रूपमा रहनेछन्। शाहबले पुलिसविरुद्ध पहिलो इनिङमा आठ र दोस्रो इनिङमा दुई गरि १० विकेट लिएका थिए।

यता बागमतीका कप्तान सन्दीप लामिछाने आर्मीविरुद्ध घातक बन्न सक्छन्। उनले मधेशविरुद्ध दुवै इनिङमा समान पाँच गरि १० विकेट हात पारेका थिए।

आरिफ शेखको कप्तानीमा रहेको पुलिसका लागि ललितनारायण राजवंशी मुख्य हतियारका रूपमा रहनेछन् । उनले आर्मीविरुद्ध पहिलो इनिङमा सात र दोस्रो इनिङमा दुई गरि ९ विकेट लिएका थिए।

 

Exit mobile version