नयाँलिपिः पोखराको फेवातालमा सुरु भएको अन्तर्राष्ट्रिय ड्रागन बोट रेस प्रतियोगितामा आज २ सय मिटर र ५ सय मिटरतर्फ पहिलो चरणका खेल सम्पन्न भएका छन् ।
आयोजकले दिएको जानकारी अनुसार भोली सेमिफाइनल र फाइनलका खेल हुनेछन् । २० टिमबीच भइरहेको प्रतिष्पर्धामा विजेता टोलीले ५ हजार, दोस्रोले २ हजार र तेस्रो हुने टिमलाई १७ सय डलर पुरस्कार राशी दिइनेछ ।
लेखनाथको बेगनास र पोखराको फेवातालमा भइरहेको प्रतियोगिताको कूल पुरस्कार राशी २५ लाख रुपैयाँ रहेको आयोजकले जानकारी दिएका छन् ।
प्रतिष्पर्धामा सहभागी हुन छिमेकी मुलुक चीनबाट ११, सिंगापुरबाट १ टीम आउनेछन् भने बाँकी ८ स्थानीय टोली रहनेछन् ।
