पर्वतीय पत्रकारितामा योगदान पु¥याएको भन्दै पत्रकार भुपाल गुरुङ सम्मानित भएका छन् ।
नेपाल पर्वतारोहण संघ, गण्डकी प्रदेशले गुरुङलाई पर्वतीय पत्रकारितामार्फत हिमाल, पदयात्रा, पर्वतारोहण, प्रकृति तथा हिमाली जीवनका विषयलाई राष्ट्रिय तथा अन्तर्राष्ट्रिय समुदायसम्म पु¥याउन महत्वपूर्ण योगदान गरेको भन्दै नगद सहित सम्मान गरेको हो ।
संघको पोखरामा आयोजित १८ औँ वार्षिक साधारण सभा तथा ८औँ अधिवेशनको अवसरमा नेपाल पर्वतारोहण संघका अध्यक्ष फुर गेल्जे शेर्पा, गण्डकी प्रदेशका अध्यक्ष विकास गुरुङ र सचिव मनशान्त घिमिरे, पोखरा पर्यटन परिषद अध्यक्ष तारानाथ पहारीलगायतले गुरुङलाई नगद, फेटा र सम्मानपत्रले सम्मान गरे ।
विगत १८ वर्षदेखि पत्रकारितामा क्रियाशील गुरूङले विशेषतः गण्डकी प्रदेशका हिमाली क्षेत्र, पर्वतारोहण तथा साहसिक पर्यटनका विषयलाई टेलिभिजन पत्रकारितामार्फत विश्वसामु पु¥याउन उल्लेखनीय योगदान गर्दै आएका छन् ।
संघले गुरुङको पत्रकारिताले हिमाली पर्यटन, साहसिक पर्यटन तथा त्यससँग जोडिएका विषयको प्रवद्र्धन र संरक्षणमा समेत योगदान पु¥याएको जनाएको छ ।
संघले पर्वतीय पर्यटनको विकास, हिमाली सम्पदाको संरक्षण तथा साहसिक पर्यटनको प्रवद्र्धनमा पु¥याउँदै आएको योगदानप्रति सम्मान व्यक्त गर्दै गुरूङले पर्यटन विकासका लागि नीति, पूर्वाधार र लगानीसँगै त्यसको कथा विश्वसामु पु¥याउने प्रभावकारी सञ्चार पनि उत्तिकै अपरिहार्य रहेको बताए ।
कान्तिपुर टेलिभिजन संवाददाता एवम नेपाल पत्रकार महासंघ कास्कीका सचिव समेत रहेका गुरूङ क्याप्टेन रुद्रमान स्मृति ग्रामीण पर्यटन पत्रकारिता पुरस्कार–२०७६, नेपाल पत्रकार महासंघ कास्कीबाट प्रदान टंकदेवी–तुलसीप्रसाद पत्रकारिता पुरस्कार–२०७८, नेपाल हवाई खेलकुद संस्था पत्रकारिता पुरस्कार–२०७९, पूर्वप्रधानसेनापति छत्रमानसिंह गुरुङ तथा श्रीमती कमला गुरुङ पत्रकारिता पुरस्कार–२०७९ र अन्नपूर्ण पर्यटन पत्रकारिता पुरस्कार–२०८३ लगायत पुरस्कारबाट सम्मानित भइसकेका छन् ।
