नेपाल–चीन उत्तरी कोरला नाकाको दशगजा क्षेत्रमा सीमावर्ती नागरिकले त्रिपाल टाँगेर व्यापार व्यवसाय सञ्चालन गरिरहेका छन्।
नाकाको २४ नम्बर सीमा स्तम्भ आसपासको दशगजा क्षेत्रमा ८० भन्दा बढी त्रिपाल टाँगेर स्थानीयले विभिन्न सामान राखी व्यापार गरिरहेको बताइएको छ।
सीमा क्षेत्रमा स्थायी संरचना निर्माण नगरी अस्थायी रूपमा त्रिपाल टाँगेर पसल सञ्चालन गरिएको हो। नाकामा व्यापारिक गतिविधि बढेसँगै दशगजा क्षेत्रमा यस्ता अस्थायी पसलको संख्या पनि बढ्दै गएको छ।
