कफीः कफीमा क्याफिन भन्ने तत्त्व हुन्छ । गर्भवती आमाले कफी पिउँदा त्यो क्याफिन भन्ने तत्त्व पनि बच्चासम्म जान्छ ।
त्यो तत्त्वलाई पचाउने क्षमता गर्भमा भएको बच्चामा विकास भइसकेको हुँदैन र क्याफिन बच्चाको शरीरमा जम्मा भएर बस्छ । जसले रगतका नलीहरूलाई खुम्चाउने काम गर्छ ।
आमादेखि बच्चासम्म रगतका नलीहरू खुम्चिँदै गइसकेपछि भनेको जति पोषण र तत्त्वहरू बच्चाले पाउँदैन ।
चाहिने जति पोषक तत्त्वहरू नपाएपछि पुर्णरुपमा बच्चाको विकासमा वाधा पुर्याउँछ । त्यसैले गर्भवती आमाले कफी खानु राम्रो हुँदैन ।
दूध हालेको चियाः दूध हालेको चियामा पनि केही मात्रामा क्याफिन हुन्छ भने त्यसको संगसंगै चिया खाँदा ग्याष्ट्राइटिस बढ्छ ।
गर्भावस्थामा त्यसैपनि हर्मोनका कारणले बिहानीपख वाकवाकी लाग्ने, डकार आउने भइरहेको हुन्छ त्यसैमाथि दूध हालेको चिया खाँदा यसलाई बढाउने काम गर्ने भएकाले गर्भावस्थामा दूध हालेको चिया खानु स्वास्थ्यका लागि राम्रो मानिँदैन ।
चिया खान मन लाग्छ भने कालो चियामा थोरै अदुवा राखेर खान सकिन्छ ।
हर्लिक्श : हर्लिक्शमा एडेड सुगर हुन्छ । गर्भावस्थामा एडेड सुगर भएका चिजहरू खाँदै नखान हामी सल्लाह दिन्छौँ । धेरै जनालाई गर्भावस्थामा सुगर देखिन्छ ।
त्यसैले हर्लिक्श, बिस्कुट र फेण्टा, कोक, लगायतका शुगरको मात्रा धेरै भएका पेय पदार्थ र दूध हालेको चिया कफी जस्ता खानेकुराहरू गर्भावस्थाको नौ महिनामा सकेसम्म नखानु नै राम्रो हुन्छ ।
( साभार : स्त्री तथा प्रसूति रोग विशेषज्ञ डा. नितेस घिमिरेको फेसबुकबाट)
