पोखरा । पोखरा–१२ पुरानोधारामा रहेको चापापानी सिद्धार्थ बचत तथा ऋण सहकारी संस्थाले विभिन्न सहकारीहरुको अध्ययन अवलोकन भ्रमण गरेको छ ।
सहकारीले कास्की तथा लम्मजुङ जिल्लाका विभिन्न ठाउँमा पुगेर त्यहा रहेका सहकारी तथा लम्मजुङ जिल्लाको पर्यटकीय ठाँउ राईनासकोटको भ्रमण गरेको हो ।
विभिन्न ठाउँमा रहेका सहकारीहरुले गरेका गतिविधि, कार्यक्रम र क्षेत्रका विषयमा जानकारी लिई आवश्यकता अनुसार आफ्नो सहकारीमा प्रयोग गर्ने उद्देश्यले अध्ययन अवलोकन गरिएको बताउदै सहकारीका अध्यक्ष दिपक कार्कीले संस्था निति ,विधी र प्रविधिलाई आत्मसाथ गर्दै दिगो संस्था र समृद्घ सदस्य बनाउने लक्ष्यमा अगाडि बढ्दै गर्दा यस प्रकारका भ्रमणहरुले सन्चालक समिति कर्मचारीहरुलाई थप ताजगीका साथ क्षमतावान बनाउँदै लैजाने विश्वास व्यक्त गरे ।
सहकारीको भ्रमण टोलिलाई स्वागत गर्दे राईनासकोट नगरपालिकाका नगर प्रमुख खडग वहादुर गुरुङले चापापानी सिद्धार्थ सहकारीले आफ्नो अध्ययन अवलोकन भ्रमणको लागी लम्जुङ जिल्ला र विशेषगरि राईनासकोटलाई रोजेको खुसी व्यक्त गर्दे राईनासकोटका सहकारीहरुबाट यहाँहरुले केहि शिक्षा लिन सक्ने र यहाँहरुको सहकारीले पनि यहाँका सहकारीहरुलाई आफ्ना सकारात्मक कामहरुको अनुभव सुनाउन सक्ने बताए ।
कार्यक्रममा सहकारीका उपाध्यक्ष श्यामप्रसाद साँखी,सहकारीकी सचिव ईन्दिरा कोइराला सहकारीकी व्यवस्थापक करुणा शाही लगाएते सहकारीको अध्ययन अवलोकन भ्रमणको उध्यश्य र आवश्यक्ता माथि प्रकाश पारेका थिए ।
२ दिने सहकारीको अध्ययन अवलोकन भ्रमणमा सञ्चालक समिति, लेखासमिति, अन्य उपसमिति, सल्लाहकार र कर्मचारी गरी २८ जनाको टोलीले अध्ययन अवलोकन गरेर फर्किएको सहकारीका शिक्षा संयोजक मनोहरि पौडेलले बताए ।
