नयाँलिपिः मानवसेवा फाउण्डेशनद्वारा पोखराको बिरौटामा सञ्चालित ऐतिहासिक श्री गण्डकी कोटिहोम महायज्ञको पूर्वसन्ध्यामा हाल सञ्चालित श्रीमद्भागवत कथा प्रवचनको कार्य गत चैत्र २९ गतेबाट सुरु भएको छ ।
कोटीहोममा कथावाचनकालागि आज देवि प्रतिभा पोखरा आइपुगेकी छिन् । देवि प्रतिभा भारतबाट आफ्नै अंगरक्षक र वाद्यवादनको टोलीसहित पोखरा विमानस्थलमा अवतरणपश्चात् महायज्ञस्थल पुगेकी छिन् ।
उनलाई महायज्ञका संकल्पकर्ता बालयोगेश्वर विजय कृष्णमुर्तिलगायतले स्वागतपछि कोटीहोमस्थल पु¥याएका छन् । प्रतिभालाई स्थानीयवासीले भव्य स्वागत गरेका छन् ।
२५ जनाको समूहमा आएकी प्रतिभाले २ साता कथावाचन गर्ने कार्यक्रम रहेको छ ।
यसैबीच कथावाचक अनुराधालाई आजै बिदाई गरिएको छ । अनुराधाले गत बिहीबारदेखि महायज्ञस्थलमा श्रीमद्भागवत कथा प्रवचन गरेकी थिइन् ।
फाउण्डेशनले बैशाख १७ देखि जेठ २६ गतेसम्म आयोजना गर्ने कोटीहोम विराट ज्ञान महायज्ञको तयारी तीब्र पारेको छ ।
