नयाँलिपिः राष्ट्रिय स्वतन्त्र पार्टीका सभापति रवि लामिछाने विरुद्धको थुनछेक बहस आज सकिएन ।
थुनछेक बहस नसकिएपछि लामिछानेलाई न्यायिक हिरासतमा पठाइएको छ । आजबाट शुरु भएको थुनछेक बहस नसकिएपछि उनलाई प्रहरीको जिम्मा लगाइएको हो ।
चितवन जिल्ला अदालतका न्यायाधीश दयाराम ढकालको इजलासले उनलाई भोलि १० बजे अदालतमा उपस्थित हुनेगरी न्यायिक हिरासतमा पठाउने आदेश गरेको हो ।
सहकारी ठगी प्रकरणमा लामिछानेसहित ३२ जनाविरुद्ध मङ्गलवार जिल्ला अदालत चितवनमा दायर भएको मुद्दामा बयान सकिएर आजदेखि छुनछेक बहस शुरु भएको हो ।
बुधवार ९आज० जाहेरवाला र सरकारी वकिलसहित ४ जनाले बहस गरे । सरकारी वकिलका तर्फबाट ३ जना र जाहेरवालाको तर्फबाट १ जना वकिलले बहस गरेका हुन् ।
बिहीबार (भोली) उनको फेरि बहस शुरु हुनेछ । सरकारी वकिल ३ जना थपिने र लामिछानेको तर्फबाट १० जनाले बहस गर्ने बताइएको छ । उनीमाथिको बयान सकिएपछि थुनछेक बहस हुनेछ । त्यसपछि अदालतले साधारण तारेख वा धरौटीमा रिहा गर्ने वा पुर्पक्षका लागि कारागार चलानमध्ये एक आदेश दिनेछ ।
लामिछानेविरुद्ध मंगलबार चितवनमा साहारा सहकारीको बचत रकम ठगीसम्बन्धी कसुरमा मुद्दा दायर भएको थियो । कास्की, काठमाडौं र रुपन्देही जिल्ला अदालतमा उनीविरुद्ध संगठित अपराधको कसुरमा पनि मुद्दा दायर भएको थियो ।
