नयाँलिपिः म्याग्दीको कुमारी सहकारी संस्थाको बचत रकम अपचलन गरेको आरोप लागेका जिल्ला समन्वय समिति म्याग्दीका प्रमुख राजकुमार थापा पक्राउ परेका छन् ।
उनीमाथि सदरमुकाम बेनीमा रहेको कुमारी सहकारी संस्थाको डेढ अर्ब रुपैयाँ हिनामिनाका गरेको आरोप छ ।
थापाको समूहले सहकारीको रकम निजी विद्यालय, घर जग्गा खरिद जस्ता व्यक्तिगत कार्यमा खर्च गरेको सहकारी रजिष्ट्रारको कार्यालय पोखराले एक वर्ष अघि गरेको छानविन प्रतिवेदनमा उल्लेख छ ।
नेकपा एमालेबाट जिसस प्रमुख निर्वाचित उनी अहिलेसम्म पक्राउ परेका थिएनन् ।
