साफ यु-२० च्याम्पियनसिपको फाइनलमा नेपाल बंगलादेशसँग पराजित भएको छ ।
सातदोबाटोस्थित एन्फा कम्प्लेक्समा बुधबार सम्पन्न फाइनल खेलमा नेपाल ४-१ गोलले पराजित भएको हो।
बंगलादेशको जितमा मिलजुल इस्लामले दुई, मोहम्मद रब्बी हुसेन र नोभाले समान १/१ गोल गरे ।
पहिलो हाफमा १ गोल्ले पछि परेको नेपाल दोस्रो हाफमा ३ गोल खान पुग्यो । नेपालका लागि समिर तामाङ्ले सान्त्वना १ गोल फर्काए । बंगलादेश का मिलजुलले पहिलो हाफको अन्त्यमा फ्रि-किक मार्फत गोल गर्दै सुरुआती अग्रता दिलाएका थिए ।
खेलको ५५औं मिलजुल इस्लामले अर्को १ गोल गर्दै व्याक्तिगत दोस्रो गोल गर्दै खेलमा २-० को अग्रता दिलाए।
७१औं मिनेटमा मिलजुलको पासमा रब्बी हुसेनले गोल गर्दै बंगलादेशलाई ३-० को अग्रता दिलाए।
त्यसपछि खेलको ८१औं मिनेटमा समीर तामाङले गोल गर्दै खेल ३-१ को अबस्थामा ल्याए। तर, इन्जुरी समयमा बंगलादेशका लागि नाेभाले गाेल गर्दै ४-१ काे जित दिलाउँदै बंगलादेश च्याम्पियन बन्यो।
पराजयसँगै नेपालको घरेलु मैदानमा च्याम्पियन बन्ने सपना अधुरै रह्यो।
यसअघि नेपाल पहिलो सेमिफाइनल भुटानलाई र बंगलादेशले भारतलाई पेनाल्टी सुटआउमा हराउँदै फाइनल यात्रा तय गरेको थियो ।