आज भएको सत्रौँ संस्करणको पोखरा अन्तर्राष्ट्रिय म्याराथनको उपाधि केन्याका स्टेफन कोस्गेइलीले जितेका छन् भने महिला हाफ म्याराथनको उपाधि नेपाल प्रहरीका राजपुरा पछाइले हालिल गरेकी छन् ।
पोखरामा आज सम्पन्न म्याराथन(४२.१९५) किमी दौडमा स्टेफनले दुई घण्टा २० मिनेट सात सेकेण्डमा निर्धारिता दूरी पूरा गरी उक्त उपाधि हासिल गरेका हुन् । उपाधिसँगै स्टेफेने ५ लाख रुपैयाँ पुरस्कार प्राप्त गरेका छन् । उनले १६ औं संस्करणमा सोही दुरी २ घण्टा १९ मिनेट ४३ सेकेण्डमा पुरा गरेका थिए । यसैगरी केन्याकै धावक जुलियस मोरियकीले दुई घण्टा २० मिनेट ३७ सेकेण्डमा निर्धारित दूरी पार गरी द्वतीय बनेका छन् । उनले नगद रु तीन लाख पुरस्कार प्राप्त गरे । नेपाली सेनाका धावक होमलाल श्रेष्ठले तृतीय स्थान ओगड्दै रु दूई लाख पुरस्कार प्राप्त गरे।
यसैगरी पोखरा म्याराथन अन्तर्गतको महिला हाफ म्याराथनको उपाधि नेपाल प्रहरीका राजपुरा पछाईले लिन सफल भइन् ।
राजपुराले निर्धारित २१ किमी दूरी एक घण्टा २१ मिनेट ११ सेकेण्डमा पूरा गरेकी थिइन् ।