नवौ पोखरा स्पोट्र्स अवार्ड लक्षित गरेर खेल संघहरु संग अन्तरक्रिया

santan ads

पोखरा । नेपाल खेलकुद पत्रकार मञ्च गण्डकी खेल संघ तथा क्लबसँग छलफल कार्यक्रम सम्पन्न गरेको छ । आगामी बैशाखमा हुने नवौं संस्करणको पोखरा स्पोटर्स् अवार्ड लक्षित गर्दै अन्तरक्रिया कार्यक्रम सम्पन्न गरेको हो ।

अन्तरक्रिया कार्यक्रममा विभिन्न खेल संघका पदाधिकारीले अवार्ड सम्पन्न गराउन प्रतिबद्धता जनाउँदै छनोट गर्दा विशेष ध्यान दिन समेत सुुझाव दिए ।

मञ्चका अध्यक्ष एमबी आस्था मगरको अध्यक्षतामा सम्पन्न भएको कार्यक्रममा सहारा क्लब पोखराका अध्यक्ष केशवराज बराल,गण्डकी प्रदेश सुटिङ एशोसियसनका महासचिव पुरण कुँवर,लङ टेनिस कास्की अध्यक्ष राजु गुरुङ,फेन्सिङ संघका केन्द्रिय उपाध्यक्ष विजय शाही,एथलेटिक्स संघ कास्कका अध्यक्ष गज बहादुर गुरुङ,तेक्वान्दो संघ कास्कीका अध्यक्ष कुलचन्द्र शर्मा,कास्की जिल्ला गल्फ संघका अध्यक्ष जिवराम गुरुङ,कास्की जिल्ला खेलकुद विकास समितिका कार्यालय प्रमुख सुन बहादुर लामा लगायतले नेपाल खेलकुद पत्रकार मन्च गण्डकीले आयोजना गर्ने पोखरा स्पोर्ट अवार्डलाई सघाउने प्रतिवद्ता व्यक्त गरेको छ । 

जिल्ला खेलकुद विकास समिति कास्कीको हलमा भएको कार्यक्रममा मञ्चका निवर्तमान अध्यक्ष दीननाथ बराल, पुर्व अध्यक्ष एकराज गिरि मञ्चका सल्लाहकार सुरज श्रेष्ठ लगायतले बोलेका थिए ।  कार्यक्रम सञ्चालन मञ्चका सचिव राजुु गिरीले गरेका थिए ।   

Scroll to Top