पोखरा । पोखराको सामाजिक संस्था हिमालय क्लब बाटुलेचौरको २८औं स्थापना दिवसको अवसरमा विभिन्न कार्यक्रम हुने भएको छ ।
क्लवले विहीवार एक कार्यक्रम गरि यही कार्तिक २२ गते स्थापना दिवस मनाउने गरी तयारी शुरु गरेको जनाएको छ ।
दिवसका अवसरमा २७ औं रक्तदान तथा चियापान कार्यक्रम गर्ने र सोही दिन क्लवद्वारा संचालित स्व. नरहरि देवकोटा स्मृति समाजसेवा पुरस्कार वितरण, सावित्री लिलाधर उत्कृष्ट कृषक पुरस्कार तथा विपन्न एकल महिला सहयोग वितरण सहित विभिन्न साँस्कृतिक कार्यक्रम गरिने क्लवका अध्यक्ष मोहनवहादुर थापाले जानकारी दिनुभयो ।
सो कार्यक्रम सम्पन्न गर्न द्वितीय उपाध्यक्ष प्रकाश थापाको संयोजकत्वमा मुल समारोह समिति गठन गरिएको छ ।
क्लवले समाजसेवा पुरस्कारका लागी पुर्व अध्यक्ष जीवनारायण श्रेष्ठको संयोजकत्वमा निवर्तमान अध्यक्ष सुशील वस्नेत, पुर्व अध्यक्ष ताराप्रसाद तिमिल्सीना,सल्लाहकार खिमलाल अधिकारी र संस्थापक मध्यवाट यादवचन्द्र देवकोटा सदस्य रहने गरी छनौट समिति, कृष्णप्रसाद अधिकारी र प्रभा कोइरालाले स्थापना गर्नुभएको कृषक पुरस्कारका लागी, प्रथम उपाध्यक्ष पुष्पराज अधिकारीको संयोजकत्वमा सहसचिव मनु वस्नेत र लक्ष्मी श्रेष्ठ सदस्य रहेको छनौट समिति गठन गरिएको अध्यक्ष थापाले वताउनुभयो ।समाजसेवा पुरस्कारको राशी नगद १५ हजार, सल र सम्मानपत्र रहेको छ । सो पुरस्कार यसअघि उद्योगपति गणेश वहादुर श्रेष्ठ, तेज वहादुर गुरुङ, लायन स्व. गोविन्द वहादुर केसी, अग्रज भलिवल खेलाडी स्व. उदय वहादुर वस्नेत, सिद्घार्थ क्लव र नव आर्दश सामुदायिक विकास संस्थालाई प्रदान गरिएको थियो ।
वि.सं. २०५४ साल कार्तिक १२ गते स्थापना भएको क्लवले यही कार्तिक १२ गते क्लव प्राङ्गणमा साँझ दिप प्रज्वलन गर्ने सचिव तुल वहादुर वस्नेतले जानकारी दिनुभयो ।
क्लवको वैठकले ९ सदस्यीय सल्लाहकार समिति समेत गठन गरेको छ । जसमा राजेन्द्र वहादुर देवकोटा,खिमलाल अधिकारी,कुमार श्रेष्ठ, चित्र वहादुर थापा, गुरुदत्त भट्टराइ, दुर्गा केसी थापा, राजकुमारी वानियाँ, कानुनी सल्लाहकार अधिवक्ता शालिग्राम भट्टराइ, र पदेन सल्लाहकारमा वडाध्यक्ष अमृत शर्मा तिमिल्सीना रहेका छन् ।
हालै निवार्चित क्लवको समितिले विभिन्न क्षेत्रलाई समेट्ने गरी वार्षिक कार्य योजना तय समेत गरेको वताईएको छ ।
