पाण्डेसहित गण्डकी प्रदेशका चार जना नेतृ विजयी भएका छन् ।
१५ जनाको कोटा रहेको उक्त क्लस्टरमा गण्डकी प्रदेशबाट गण्डकी प्रदेश सभा सदस्य समेत रहेकी स्याङ्जाकी कल्पना तिवारी, तनहुँकी चिनु पोखरेल, कास्कीकी लक्ष्मी पाण्डे र पर्वतकी मुना भुसाल निर्वाचित भएका हुन् ।
सोही पदमा प्रतिस्पर्धा गरेकी बराल र बागलुङको बडिगाड गाउँपालिका अध्यक्ष गण्डकी थापा पराजित बनेकी छन् ।
१५ जना केन्द्रीय सदस्यका लागि भएको उक्त निर्वाचनमा ३६ जना उम्मेदवार चुनावी प्रतिस्पर्धामा उत्रिएका थिए ।
नेपाली कांग्रेसको १५ औँ महाधिवेशनअन्तर्गत केन्द्रीय नेतृत्व चयनका क्रममा पदाधिकारीसँगै विभिन्न समावेशी समूह र खुलातर्फको मत गणना कार्य जारी रहेको निर्वाचन समितिले जनाएको छ ।
सार्वजनिक मतपरिणामअनुसार महिला खुलातर्फ वासना थापाले सर्वाधिक ५ हजार १९३ मत प्राप्त गरी पहिलो स्थान हासिल गरिन् । यस्तै ३ हजार ९७० मतसहित उर्मिला थपलिया दोस्रो र ३ हजार ९०६ मत ल्याएर निमा गिरी तेस्रो स्थानमा विजयी भएकी छन् ।
