पोखरा वडा नम्बर २६ र १४ को सीमा सक्नेरीस्थित विजयपुर खोलामा दुई जना बालक बेपत्ता भएका छन् ।
वडा नम्बर २६ सक्नेरी भगवती हाईड्रोपावर नजिकै वडा नम्बर १४ बिजयबस्तीबाट विजयपुर खोला तर्ने क्रममा २ जना बेपत्ता भएका हुन् ।
उनीहरूको खोजी जनपद प्रहरी, सशत्र प्रहरीको टोलीले गोताखरसहितले गरिरहेको कास्की प्रहरी प्रवक्ता तथा डिएसपी वीरेन्द्रकुमार पासवानले जानकारी दिए ।
बेपत्ता हुनेमा स्याङ्जा घर भइ पोखरा बस्ने १४ वर्षीय निक्सन गुरुङ र घरबतन खुल्न बाँकी रहेका १५ वर्षीय अमन राइ रहेको प्रहरीले जनाएको छ ।
निक्सनको परिवार सम्पर्कमा आइसकेका छन् भने राइको परिवारसँग सम्पर्कको प्रयास भइरहेको प्रहरीको भनाइ छ ।
गोताखोरसहित प्रहरीको टोलीले खोजि गरिरहेको भए पनि खोला बढेका कारण समस्या भएको छ । उनीहरूलाई खोलाले बगाएको स्थानीयले देखेकासमेत थिए ।
घटनाको जानकारी प्राप्त हुनासाथ ठुलो संख्यामा सुरक्षाकर्मीहरु घटनास्थलमा परिचालन भएका छन् ।
इलाका प्रहरी कार्यालय शिशुवाबाट प्रहरी नायब उपरीक्षक गुणराज बुढाथोकीको कमान्डमा ७ जनाको टोली खटिएको छ ।
त्यस्तै जिल्ला प्रहरी कार्यालय कास्कीबाट प्रहरी निरीक्षक रामजी देवकोटाको नेतृत्वमा ७ जनाको टोली पनि खोजीमा जुटेको छ
स्थानीयकोसमेत सहायताले खोजि कार्य भइरहेको प्रहरीले जनाएको छ ।
