अन्तर विद्यालय ब्यान्ड प्रतिस्पर्धामा गण्डकी बोर्डिङ स्कुल प्रथम भएको छ ।
पोखरा साङ्गीतिक कलाकार सङ्घको आयोजना तथा पोखरा महानगरपालिका र गण्डकी प्रज्ञा प्रतिष्ठानसँगको सहकार्यमा सम्पन्न प्रतियोगितामा १९ विद्यालयहरूको सहभागिता रहेको थियो ।
विजेतालाई पोखरा महानगरपालिकाका प्रमुख धनराज आचार्यले पुरस्कार प्रदान गरे।
प्रतियोगिताको विजेताले नगद १ लाखसहित प्रमाणपत्र, उपबिजेतालाई नगद ५० हजार र तेस्रो हुनेलाई नगद २५ हजारसहित प्रमाणपत्र प्राप्त गरेका छन् ।
प्रतियोगितामा उत्कृष्ट भोकल, लिड गिटार, बेस गिटार, उत्कृष्ट ड्रमर, पब्लिक च्वाईस र जज च्वाईस लाई पनि नगद पुरस्कार प्रदान गरिएको छ ।
