काठमाडौं । यूईएफए युरोपा लिग फुटबलमा इंग्लिस क्लब म्यानचेस्टर युनाइटेड विजयी भएको छ ।
नेपाली समयअनुसार आज (शुक्रबार) बिहान भएको खेलमा युनाइटेडले स्कटिस क्बल रेन्जर्सलाई २–१ गोलअन्तरको पराजित गरेको हो ।
ओल्ड ट्राफर्डमा भएको खेलमा घरेलु टोली युनाइटेडका लागि कप्तान ब्रुनो फर्नान्डेसले अन्तिम समयमा निर्णायक गोल गरेका थिए ।
ज्याक बटल्यान्डबाट आत्मघाती गोल हुन पुग्दा ५२औं मिनेटमा युनाइटेडले अग्रता लिएको थियो ।
निर्धारित समय सकिन दुई मिनेट बाँकी रहँदा सिरिएल डेसार्सले रेन्जर्सका लागि बराबरी गोल फर्काए ।
जितसँगै सात खेलमा १५ अंक जोडेको युनाइटेड लिगको चौथो स्थानमा उक्लिएको छ । पराजित रेन्जर्स समान खेलबाट ११ अंकका साथ १३औं स्थानमा छ ।
