नयाँलिपिः पोखराको मोबाइल टावरले आयोजना गरेको मोबाइल टावर चाडपर्व अफरको भाग्यशाली विजेता भई चिट्ठा नम्बर ७८९० ले होन्डाको स्कुटर जितेका छन् ।
पोखरा टावर प्रालिद्वारा सञ्चालित चाडपर्व अफर चिट्ठा आज(बिहिबार) एक कार्यक्रमको आयोजना गरि सार्वजनिक गरेको हो । प्रालिले दिएको जानकारी अनुसार प्रथम पुरस्कार ३९२७, दोस्रो २९११, तेस्रो ३३३८ चिट्ठा नम्बरले जितेका छन् ।
विजेताले क्रमशः टेलिभिजन, एयरकन्डिसन, स्पिकर, राइसकुकरलगायतका पुरस्कार जितेका छन् । त्यस्तै, प्रत्येक महिना १० जनालाई आकर्षक उपहारसमेत दिइरहेको आयोजकले जानकारी दिए ।
विजेताले उपहार खोलिएको ७ दिनभित्र चिट्ठाको अर्धकट्टी र फोटोसहितको परिचयपत्र लिएर आउनुपर्ने संयोजक थापाले बताए । निर्धारित मितिभित्र लिन नआए पुरस्कार रद्द हुने उनले बताए । उपहारमा नेपाल सरकारको नियमानुसार करकट्टी हुनेछ ।
कार्यक्रममा प्रमुख अतिथि नेपाल मोबाईल संघका केन्द्रिय उपाध्यक्ष एंव मोबाइल टावरका संचालक उदय बहादुर केसी (लाहुरे दाई) ले पुरस्कार विजेतालाई बधाई दिदै ग्राहकको आवश्यकतालाई ध्यानमा राखेर मोबाइल टावरले व्यवसाय गरिरहेको बताए ।
मोबाइल मेलाका संयोजक बुद्धिबहादुर थापाको रहोबरमा सार्वजनिक गरिएको नतिजामा इलेक्ट्रोनिक्स ब्यवसायी संघ कास्कीका अध्यक्ष चिन्तामणि खरेल,मोवाइल वितरक महासंघका केन्द्रिय सदस्य देव नारायण श्रेष्ठ,किरण ढकाल,विष्णु श्रेष्ठं,भिवो मोवाइल टेनर रेश्मा भट्राई,नविन ढुंगाना,देवेन्द्र श्रीस लगायतले बोलेका थिए । कार्यक्रम संचालन सचिव विदुर सापकोटाले गरेका थिए ।
