नयाँलिपि: नेपाल प्रिमियर लिग (एनपिएल)मा कर्णाली याक्सका प्रमुख हतियार ओपनिङ ब्याटर शिखर धवनले नटआउट ७२ रन जोडेका छन् ।
त्रिभुवन विश्वविद्यालय क्रिकेट ग्राउण्डमा काठमाण्डौं गुर्खाजविरुद्ध ५१ बल खेलेर धवनले उक्त रन बनाएका हुन् । जसमा ४ चौका र ५ छक्का रहेको छ ।
अघिल्लो खेलमा १४ रन बनाएर आउट भएका धवन दोस्रो खेलमा नटआउट रहँदै आफुलाई विश्वस्तरीय ब्याटर भएको प्रमाणित गरेका छन् । याक्सले गुर्खाजलाई १ सय ५० रनको लक्ष्य दिएको छ ।
काठमाडौं र कर्णाली दुवैले आफ्नो पहिलो खेल गुमाएका थिए। कर्णालीलाई जनकपुर र काठमाडौंलाई चितवनले पराजित गरेका थिए।
खेलको दोस्रो इनिङ् हुन बाँकी छ ।
