पोखरा । पोखरामा कास्की जिल्ला विद्यालय खेलकुद संघ गठन भएको छ ।
जिल्ला खेलकुद विकास समिति कास्कीको पहलमा सम्पन्न भेलाले अध्यक्षमा कृष्ण केसी र सचिबमा डा.टेक नारायण पौडेललाई चयन गरेको हो ।
गण्डकी प्रदेशमा नै पहिलो पटक गठन भएको नवगठित विद्यालय खेलकुद संघको उपाध्यक्षमा शिव प्रसाद भण्डारी, कोषाध्यक्षमा शर्मिला पौडेल पोख्रेल रहेका छन् ।
त्यसै गरी कार्यसमिति सदस्यमा हेमन्त अधिकारी, राजेश गुरुङ, आनन्दराज अधिकारी, कृष्ण प्रसाद सापकोटा, विग्नेश थापा, मन बहादुर कुंवर, मनकाजी गुरुङ र चिनु बहादुर रानाभाट रहेका छन् ।
विद्यालय खेलकुद संघ अन्तर्राष्ट्रिय ओलम्पिक कमिटि आइओसीको एक अङ्ग समेत हो । अन्तर्राष्ट्रिय स्पोर्टस फेडेरेशन (आइएसएफ) मातहतको यो संस्थाले ११ देखि १८ वर्षका विद्यालयका विद्यार्थीहरूका लागि सबैभन्दा ठूलो अन्तर्राष्ट्रिय ग्रासरुट्स र प्रतिस्पर्धात्मक कार्यक्रमहरू आयोजना गर्दछ ।
यो एक अन्तर्राष्ट्रिय गैर–नाफामूलक विद्यालय खेलकुद संगठन हो । यसको कार्यालय सन २०२४ मा स्विजरल्याण्डको लसानेमा रहेको छ। यो १९९५ देखि अन्तर्राष्ट्रिय ओलम्पिक कमिटिद्वारा मान्यता प्राप्त छ।