नयाँलिपिः गत अप्रिल ७ तारिख, दिउँसो करिब १२ बजे, क्याम्प–२ को करिब ५ हजार ६०० मिटरमा गएको हिमपहिरोलमा परी बेपत्ता भएका निमा टाशी र रिमा रिन्जे जीवित नरहेको आशंकामा खोजी कार्य स्थगित गरिएको छ ।
सेभेन समिट ट्रेक्समार्फत अन्नपूर्ण हिमाल आरोहणमा पर्यटककालागि ग्याँस सिलिण्डर लगायतका सामग्री बोकेर गएका उनीहरु हिमपहिरोमा परी बेपत्ता भएको र कठिन भूगोल एवं प्रतिकुल मौसमकाकारण जीवित रहने सम्भावना नभएको भन्दै खोजी कार्य रोकेको हो ।
पहिलो दिन साँझसम्म क्याप्टेन सोबित गौचनले हेलिकोप्टरमार्फत अवलोकन उडानहरू गरेका थिए। त्यसपश्चात थप उडान र स्थल खोजी तीन दिनसम्म सञ्चालन गरिए पनि क्याम्प–२ र क्याम्प–३ बीचको कठिन अवस्थाका कारण खोजी कार्य प्रभावकारी हुन सकेन।
“बरफ र हिउँको भारी तहमुनि यति लामो समयसम्म कोही पनि जीवित रहने सम्भावना छैन,” सात सगरमाथा ट्रेक्सले जारी गरेको वक्तव्यमा उल्लेख छ।
“अब थप खोजी गर्नु अरू शेर्पा र टोलीका सदस्यहरूको सुरक्षाका दृष्टिले जोखिमपूर्ण हुने भएकाले हामीले अत्यन्त पीडासाथ खोजी कार्य स्थगन गर्ने कठिन निर्णय गरेका छौं।”
