पोखरा महानगरपालिका ३२ मा सुकुम्वासी तथा अव्यबस्थित बसोबासीहरुको समस्या समाधानका लागि वडास्तरिय सहजीकरण समिति र संघर्ष समिति समेत र्निमाण गरिएको छ ।
उक्त कार्यक्रममा वडा नं ३२ का अध्यक्ष अक्कलबहादुर कार्कीले कोही कसैले पनि बिना कारण र बिना बिकल्प बसिरहेको ठाउ छोडन नपर्ने बताएका छन् । उनले हचुवाको भरमा डोजर लिएर बस्ती बस्ती चाहर्ने गरि स्थानिय सरकार नलाग्ने विश्वास दिलाए ।
भुमिहीन दलित, भूमिहीन सुकुम्वासी तथा अब्यबस्थित बसोबासी सरोकार सहजीकरण समिति कास्कीले आयोजना गरेको कार्यक्रममा सहभागीले सरकारको आगामी नीतिबारे प्रश्न गरेका थिए ।
दैनिक जसो सुनिने डोजर आतंकले मजदुरी गर्ने काम समेत गर्न मन नलागेको, रातमा निद्रा नलागेको उनीहरुको भनाई छ ।
कार्यक्रममा अखिल नेपाल सुुकुम्वासी संघका केन्द्रयि सचिव ओमबहादुर पौडेलले भुमिहिनहरु शहरका मौरी भएको भन्दै बस्तीमा डोजर चलाए आन्दोलनमा उत्रन बाध्य हुने बताए ।
त्यस्तै, संघर्ष समिति कास्कीका अध्यक्ष प्रेमबहादुर गुरुङ्गले सुकुम्वासीलाई सरकारले दुस्मन देखेको बताउँदै सहर निर्माणमा सुकुम्बासी र भूमिहीनको योगदान रहेको चर्चा गरे ।
उक्त भेलामा मिलन घलानको संयोजकत्वमा ९ सदस्यीय संघर्ष समिति गठन गरिएको छ ।
समितिले सुकुम्वासीमाथि अमानवीय हर्कत जारी राखे देशभरका ५५ लाख पीडित प्रतिकारमा उत्रने चेतावनी दिएको छ ।
