नेपाल सरकारले हप्ताको दुई दिन बिदा दिएपचि अस्पताललाई पूर्ण सञ्चालन गर्न दिएको निर्देशन बमोजिम पश्चिमाञ्चल क्षेत्रीय अस्पताल, पोखरा पूर्ण सञ्चालनमा रहेको छ ।
त्रिवि शिक्षण अस्पतालले आइतबार ओपीडी सेवा रोकेपनि पोखरामा क्षेत्रीय अस्पतालले भने आइतबार पनि पुरै सेवा दिइरहेको पोखरा स्वास्थ्य विज्ञान प्रतिष्ठानका निर्देशक एवं सहप्राडा प्रेमराज पंगेनीले जानकारी दिएका छन् ।
‘हाम्रो पुरै सेवा सुचारु छ’ निर्देशक पंगेनी भन्छन् ‘ओपीडीदेखि अपरेशनसम्मका सेवा दिइरहेका छौं ।’ अस्पतालमा पहिलेदेखि अपरेशन गर्नुपर्ने मिति तय भएका र कतिपय बिरामीको फलोअप रहेकाले सेवा रोक्नै नसकिने पंगेनी बताउँछन् ।
सरकार र मन्त्रालयको निर्देशन मान्नु राष्ट्रसेवकको कत्र्तव्य र सेवाग्राहीप्रतिका दायित्वकाकारण अस्पतालले सेवा बन्द गर्न नमिल्ने उनको धारणा छ ।
चिकित्सक र अन्य कर्मचारीलाई बिदा मिलाउन झनै झन्झटिलो भएकाले सेवा सुचार गरेको बताउँदै बिदाका दिनमा खट्ने डाक्टर, कर्मचारीलाई यथाशक्य सम्बाोधन गर्ने तयारी रहेको उनले बताए ।
अस्पतालमा ल्याब, इसीजी, अल्ट्रासाउण्ड, शल्यक्रियालगायतका सेवा निरन्तर रहेको उनको भनाई छ ।
यता, नेपाल मेडिकल एशोसिएसनले समेत जनशक्ति नथपिएसम्म आइतबार ओपीडी सञ्चालन गर्न नसकिने स्पष्ट पारिसकेको छ।
