अख्तियार दुरुपयोग अनुसन्धान आयोगले विद्युतीय चुरोट (भेप)मा लुकाएर सुन तस्करी गराएको अभियोगमा पूर्वसभामुख कृष्णबहादुर महरासहित २८ जनाविरुद्ध भ्रष्टाचार मुद्दा चलाएको छ।
नेपाली कम्युनिस्ट पार्टी (नेकपा)का नेतासमेत रहेका पूर्वमन्त्री महरा र छोरा राहुलविरुद्ध पनि अख्तियारले विशेष अदालतमा भ्रष्टाचार मुद्दा दायर गरेको हो ।
यस प्रकरणमा महरा बाबुछोरासँगै सहसचिव अरुण पोखरेलविरुद्ध पनि भ्रष्टाचार मुद्दा चलाइएको हो । अहिले उक्त मुद्दा दर्ता प्रक्रियामा रहेको विशेष अदालतका प्रवक्ता कृष्णशरण लामिछानेले बताएका छन् ।
अख्तियारले चिनियाँ तस्करसँग मिलेर विद्युतीय चुरोट भेपभित्र सुन तस्करी गराएको अभियोगमा करिब ७ करोड रुपैयाँ बिगो दाबीसहित विशेषमा भ्रष्टाचार मुद्दा लगेको हो ।
