पोखरामा ‘जुवातास’ र विजयपुरको जंगलमा ‘कौडा’ हान्ने समातिए, ६ लाख बरामद

कास्की प्रहरीले तिहारको मौका छोपेर जुवातास खेल्ने २० जनालाई पक्राउ गरेको छ ।

प्रहरीले विशेष सूचनाको आधारमा पोखराको नयाँबजारबाट पाँचजना जुवाडेलाई २ सय १२ पत्ति ताससहित नगद २ लाख ५१ हजार ४५५ रुपैयाँ बरामद गरेको छ ।

त्यस्तै, सोमबार बिहान विजयपुरस्थित लप्सीबोट सामुदायिक जंगलबाट बिहान १० बजे कौडा हानिरहेका ७ जना पक्राउ परेका छन् । उनीहरुको

साथबाट १४ थान कौडा र ७७ हजार २०५ रुपैयाँ बरामद गरेको छ ।

जिल्ला प्रहरी कार्यालय कास्कीका डिएसपी हरिबहादुर बस्नेतका अनुसार सोमबारै पोखराको मोहोरिया टोलबाट ८ जुवाडे पनि समातिएका छन् ।

उनीहरुको साथबाट ६ बुक तास र नगद २ लाख ७३ हजार ४४५ रुपैयाँ बरामद गरिएको छ ।

जुवाडेउपर अनुसन्धान तथा कारवाही प्रक्रिया अघि बढाइएको डिएसपी बस्नेतले जानकारी दिए ।

फाइल तस्बिर