आन्तरिक राजस्व विभागले करदाता प्रोत्साहन उपहार कार्यक्रमअन्तर्गत साउन महिनाको पहिलो १५ दिनको उपहार योजनाका विजेताको घोषणा गरेको छ।
अर्थमन्त्री स्वर्णिम वाग्लेको उपस्थितिमा शुक्रबार गरिएको सार्वजनिक गोलाप्रथामार्फत १५ जना करदाताले जनही १ लाख ३३ हजार ३३४ रुपैयाँ र एक जनाले १० लाख रुपैयाँको बम्पर उपहार जितेका हुन्।
१० लाख रुपैयाँको बम्पर उपहार कञ्चनपुरमा खरिद गरिएको एक बिलको कुपन नम्बरमा परेको जनाएको छ ।
विभागका अनुसार विजेता कुपन नम्बरबाट गरिएको खरिद कञ्चनपुरको पुनर्वास नगरपालिकास्थित शिव कृष्ण जनरल स्टोरबाट भएको हो । उपभोक्ताले साउन ७ गते २५० रुपैयाँको सामान खरिद गरेको खुलेको छ ।
१ लाख ३३ हजार ३३४ रुपैयाँ उपहार जित्ने कुपन नम्बरहरू क्रमशः ००७७५५५८०६७०, ०१५६११०५८०७५, ०१२२५८०८६५८८, ०१४९७३९०७३३, ००६८४१५५३५३७, ००२९२८८१७८११, ००९८९१७८३२४५, ००४७८०८४०८८४, ०१०८३७१८०३३२, ००५५८८५०६०८५, ००३००६७७८५८९, ००८७८२४८६३३५, ०१३०३५२३०२९७, ००१८०८९६५९८६ र ०११३८०९१४५८० रहेको आन्तरिक राजस्व विभागले जनाएको छ ।
