जेन-जी आन्दोलको क्रममा जलाइएर क्षतिग्रस्त भएको वडा प्रहरी कार्यालय, बगरको भवन समुदायको लगानीमा पुनःनिर्माण गरिएको छ ।
भाद्र २३ र २४ गते भएको जेनजी समूहको आन्दोलनको क्रममा वडा प्रहरी कार्यालय बगरमा आक्रमण हुदा कार्यालयमा रहेका भौतिक संरचना तथा कार्यालय भवन र व्यक्तिगत सामाग्रीहरु आगजानीबाट क्षतिग्रस्त भएपछि यसको पुननिर्माण गर्ने जिम्मा सामुदायिक सेवा केन्द्र एवम् सामुदायिक प्रहरी सेवा बगरले लिएको थियो ।
सामुदायिक सेवा केन्द्र एवम् सामुदायिक प्रहरी सेवा बगरका पूर्व अध्यक्ष तथा सल्लाहकार पुरुषोत्तम श्रेष्ठको संयोजकत्वमा केन्द्रका पदाधिकारी, सदस्य तथा सल्लाहकारहरु सदस्य रहने गरि भवन पुननिर्माण समिति गठन गरिएको थियो ।
पुननिर्माण समिति स्थानिय निकाय, संघ-संस्था, व्यवसायी, आम समूह, युवा क्लब तथा समुदायिक प्रतिष्ठित व्यक्तित्वहरुबाट प्राप्त नगद ४ लाख १० हजार ४ सय ३० र ३५ लाख ९० हजार रुपैयाँबराबरकोे जिन्सी सामाग्री गरी ४० लाखको लगानीमा कार्यालय, ब्यारेक र मेशको पुननिर्माण गरिएको हो ।
पुननिर्माण गरिएका सम्पूर्ण संरचना गण्डकी प्रदेश प्रहरी कार्यालय पोखराका प्रमुख प्रहरी नायव महानिरीक्षक दिपेन्द्र जिसीको रोहवरमा पुननिर्माण समितिका संयोजक पुरुषोत्तम श्रेष्ठ र सामुदायिक सेवा केन्द्र एवम् सामुदायिक प्रहरी सेवा बगरका अध्यक्ष रामप्रसाद अधिकारीले वडा प्रहरी कार्यालय वगरका प्रमुख प्रहरी निरीक्षक रामप्रसाद सापकोटालाई हस्तान्तरण गरेका थिए ।
वडा प्रहरी कार्यालय बगर परिसरमा पुरुषोत्तम श्रेष्ठकै संयोजकत्वमा बनेका अधिकांश संरचना जेनजी आन्दोलनका क्रममा पूर्णरुपमा क्षति भएपछि उनै श्रेष्ठले सामुदायिक सेवा केन्द्र एवम् सामुदायिक प्रहरी सेवा वगरको सहयोगमा पुननिर्माण गर्ने जिम्मा लिएसँगै यो अभियानले सार्थकता पाएको थियो ।
‘जब हेर्दा हेर्दै वडा प्रहरी कार्यालय बगरमा भएका भौतिक संरचनासँगै यहाँका सम्पूण सामाग्री आगो लागेर खरानी भयो’ त्यो दिन सम्झदै श्रेष्ठले भने, ‘स्थानीयकै सहयोगमा बनेको भवनकासाथै सम्पूर्ण सामग्री नष्ट भएपछि पूनर्निर्माणमा जुटेका हौ ।’ उनले यो अभियानमा सहयोग गर्ने सम्पूर्ण प्रति आभार प्रकट गरे ।
कार्यक्रममा बोल्दै प्रमुख अतिथि गण्डकी प्रदेश प्रहरी कार्यालय पोखराका प्रमुख प्रहरी नायव महानिरीक्षक दिपेन्द्र जिसीले भवन निर्माणमा जोडिएका सम्पूणलाई हृदय देखि नै आभार प्रकट गरे ।
‘त्यसबेलाको समय सम्झँदा निकै पीडा हुन्छ’ उनले भने, ‘प्रहरीका समस्यालाई तत्काल बुझेर सामुदायिक सेवा केन्द्र बगरले गरेको यो पहलकदमी सधै स्मरणमा रहने छ ।’
गण्डकी प्रदेश प्रहरी कार्यालय पोखराका प्रहरी वरिष्ठ उपरिक्षक तथा सूचना अधिकारी तुलबहादुर कार्कीले वगरको सामुदायिक सेवा केन्द्रका हरेक गतिविधि उत्कृष्ट रहेको बताए ।
पोखरा महानगर पालिका वडा नं. २ का वडा अध्यक्ष दिवसमान प्रधाना·ले सार्वजनिक सम्पत्तीमा भएको आगजानी जो जसले गरे पनि गलत हुने बताउँदै प्रहरीका हरेक गतिविधिमा महानगरको पूर्ण रुपमा साथ रहने उल्लेख गरे ।
सामुदायिक सेवा एवम् सामुदायिक प्रहरी सेवा जिल्ला समन्वय समिति कास्कीका अध्यक्ष भीम पराजुलीले वगर सामुदायिकले उदाहरणीय काम गरेको बताए ।
कार्यक्रममा सामुदायिक सेवा केन्द्र एवम् सामुदायिक प्रहरी सेवा बगरका कोषाध्यक्ष कमल प्रसाद बास्तोलाले पुननिर्माणको आम्दानी र खर्चबारे जानकारी गराएका थिए । उक्त अवसरमा सामुदायिक सेवा केन्द्र एवम् सामुदायिक प्रहरी सेवा बगरले प्रकाशन गरेको भित्ते पात्रोको विमोचन समेत गरिएको छ ।
कार्यक्रममा भवन पुननिर्माणमा सहयोग गर्ने वडा प्रहरी कार्यालय वगरका प्रहरी नायव निरीक्षक यान बहादुर कुँवर, प्रहरी वरिष्ठ हवल्दार लक्ष्मी खत्री, प्रहरी वरिष्ठ हवल्दार तुलसीराम तिमिल्सीना, ट्राफिक प्रहरी हवल्दार वुद्धि लामिछाने, प्रहरी सहायक हवल्दार भोलानाथ पौडेल, प्रहरी सहायक हवल्दार विनोद बहादुर केसी र एसीजोमालाई सामुदायिक सेवा केन्द्र एवम् सामुदायिक प्रहरी सेवा वगरले सम्मान गरेका थियो ।
त्यस्तै पुननिर्माणमा अहोरात्र खटिएका पुननिर्माण समितिका संयोजक पुरुषोत्तम श्रेष्ठ, सामुदायिक सेवा केन्द्र एवम् सामुदायिक प्रहरी सेवा वगरका अध्यक्ष रामप्रसाद अधिकारी, सचिव कृष्ण बहादुर तामा·, कोषाध्यक्ष कमल प्रसाद बास्तोला सदस्य चित्रबहादुर थापा, प्रहरी हवल्दार गौतम कुमार हायु र परमेश्वरको मण्डली विश्व सूसमाचार समाजलाई वडा प्रहरी कार्यलय वगरले प्रशंशा पत्र प्रदान गरेको थियो ।
