नेपाल आयल निगमले आजदेखि लागु हुने गरी पेट्रोलियम पदार्थको मूल्य वृद्धि गरेको छ ।
नयाँ मूल्यअनुसार पेट्रोलमा प्रति लिटर १७ रुपैयाँ र डिजेल-मट्टितेलमा २५ रुपैयाँ वृद्धि गरिएको छ। अब पेट्रोलको मूल्य विभिन्न क्षेत्रमा २१६.५० देखि २१९ रुपैयाँसम्म पुगेको छ भने डिजेल-मट्टितेल २०४.५० देखि २०७ रुपैयाँसम्म कायम गरिएको छ।
भन्सार महसुल र पूर्वाधार विकास कर समायोजन पश्चात् निगमलाई पाक्षिक रु. १० अर्ब २१ करोड ९१ लाख अझै घाटा हुने अवस्था छ। हालको अवस्थामा निगमलाई पेट्रोलमा प्रति लिटर रु. १६.६५, डिजेलमा प्रति लिटर रु. १०९.५० तथा एलपि ग्यासमा प्रति सिलिण्डर रु. ४१६.३७ घाटा रहेको छ।
‘निगमलाई पाक्षिक रुपमा कुल जम्मा रु. १० अर्ब २१ करोड ९१ लाख घाटा हुने देखिन्छ’ आयल निगमले जारी गरेको विज्ञप्तिमा भनिएको छ ।
