पोखरामा सार्वजनिकस्थलमा महिलामाथि अभद्र व्यवहार गरेको आरोपमा एकजना पक्राउ परेका छन् ।
पक्राउ पर्नेमा बागलुङ स्थायी घर भई हाल पोखरा–२५ हेम्जा बस्ने २३ वर्षीय मनिस थापा रहेका छन् ।
कास्की प्रहरीका अनुसार गत शुक्रबार दिउँसो पोखराको चिप्लेढुंगास्थित पार्किङ स्थलमा २ जना महिला माथि कुटपिट तथा झैझगडा भएको घटना विभिन्न सामाजिक सञ्जालहरुमा आएको थियो ।
प्रहरीले सूक्ष्म अनुसन्धान गरी खोजतलास गर्दै जाँदा उक्त घटनामा थापा संलग्न रहेको पाएपछि आज पक्राउ गरिएको हो ।
पार्किङ शुल्क उठाउने थापालाई चिप्लेढुंगाबाट नै पक्राउ गरिएको कास्की प्रहरीका सूचना अधिकारी एवं डिएसपी हरिबहादुर बस्नेतले जानकारी दिएका छन् ।
