बुद्ध एयरको काठमाडौं–पोखरा उडान (फ्लाइट नम्बर ६१७) शनिबार पोखरा विमानस्थलमा अवतरणका क्रममा चरासँग ठोक्किएको छ ।
बुद्ध एयर पोखरा कार्यालयका अनुसार विमानसँग ठोक्किएको चरा गिद्ध भएको प्रारम्भिक अनुसन्धानले देखाएको छ ।
अल्फा–ओस्कर–चार्ली कलसाइन रहेको एटीआर–७२ विमान धावनमार्गको पूर्वी भाग रनवे १२ बाट अवतरण गर्दै गर्दा गिद्द ठोक्किँदा विमानको दायाँ इन्जिनको एक प्रोपेलर क्षतिग्रस्त भएको छ ।
विमानमा ६८ यात्रु सवार थिए र सबै यात्रु तथा चालक दल सुरक्षित रहेको बुद्ध एयरले जनाएको छ ।
विमानले काठमाडौं फर्कने क्रममा ७२ यात्रु ल्याउने तालिका थियो तर क्षति मूल्यांकन र मर्मतपछि मात्रै पुनः उडानयोग्य बन्नेछ ।
फाइल तस्बिर
