गण्डकी प्रदेशको स्वास्थ्य मन्त्रालय एवं मातहतका निकायहरुको पुनर्संरचनाको कार्य सम्पन्न भई कार्यान्वयनको चरणमा पुगेको छ।
गण्डकी प्रदेश सरकारद्वारा स्वीकृत पछिल्लो संगठन तथा व्यवस्थापन संर्वेक्षण अनुसार अब मन्त्रालय मातहत ४ केन्द्रहरु, १४ अस्पताल, ११ आयुर्वेद अस्पताल/चिकित्सालय- २/९ र १० जनस्वास्थ्य कार्यालयहरु रहनेछन् ।
शरदचन्द्र पौडेलको संयोजकत्वमा गठित ‘प्रदेश प्रशासनिक संरचना पुनरावलोकन, अध्ययन तथा सुझाव समिति’ ले सबै प्रादेशिक निर्देशनालयको खारेजी, जनस्वास्थ्य
कार्यालय र आयुर्वेद चिकित्सालयहरु अस्पतालमा मर्ज गर्न सिफारिस गरेको भए पनि अब जनस्वास्थ्य कार्यालय र आयुर्वेद चिकित्सालयहरु साविक बमोजिम नै रहेन छन् ।
प्रादेशिक स्वास्थ्य निर्देशनालय खारेज भएको छ भने प्रदेशभर जनस्वास्थ्य कार्यक्रमहरुको नेतृत्व, सहजीकरण र समन्वयका साथै साविक जनस्वास्थ्य कार्यालय, कास्की समेतको कार्य गर्ने गरी प्रदेश जनस्वास्थ्य कार्यालय, कास्कीलाई प्रादेशिक जनस्वास्थ्य केन्द्र, गण्डकीमा रुपान्तरण गरिएको छ ।
यसैगरी प्रादेशिक जनस्वास्थ्य प्रयोगशाला र प्रादेशिक क्षयरोग नियन्त्रण केन्द्रलाई मर्ज गरी प्रादेशिक रोग नियन्त्रण केन्द्र बनाइएको छ।
प्रादेशिक आपूर्ति व्यवस्थापन केन्द्र र प्रादेशिक स्वास्थ्य तालिम केन्द्र भने साविक बमोजिम नै कायम छन्।
