हालैको आन्दोलनबाट राजनीतिक परिवर्तन गर्न सफल जेन जी नेपालले प्रदेश शाखा गठन गर्ने तयारीस्वरुप प्रतिनिधि चयन गरेको छ ।
हामी नेपालका सुदन गुरुङ र डा. निकोलस भुसालको संयोजनमा सातै प्रदेशबाट प्रतिनिधित्व हुनेगरी कमिटी निर्माण गरिएको हो ।
जसअनुसार गण्डकी प्रदेशको प्रतिनिधिमा प्रदीप पाण्डे चयन भएका छन् ।
त्यस्तै, प्रदेश १ मा उपार्जन चाम्लिङ, मधेशमा शिव यादव, बागमतीमा किरण केसी चयन भएका छन् ।
यसैगरी, लुम्बिनीमा आदित्य आचार्य, कर्णालीमा सुप्रिया शाही र सुदूरपश्चिममा खेमराज साउद रहेको जनाइएको छ ।
