पोखरा । छाङ्गेली नेवाः खल समाजले पितृ उद्दार पर्व गाइजात्राको अवसरमा रक्तदान कार्यक्रम सम्पन्न गरेको छ ।
शनिबार पोखरा न्युरोड स्थित मल्ल फर्निचर ल्याण्डको प्राङ्गणमा सम्पन्न रक्तदान कार्यक्रममा ६२ युनिट रगत संकलन भएको छ ।
कार्यक्रमका प्रमुख अतिथी तनहुँ उद्योग वाणिज्य संघका पूर्व अध्यक्ष तेजकुमार मल्लले पहिलो रक्तदाता सराङ्गकोट सहकारी तथा रेडियो सराङ्गकोटका अध्यक्ष कृष्ण थापा र सैनिक आवासिय महाविद्यालयका शिक्षिका भवानी जोशी कायस्थलाई ब्लड ब्याग हस्तान्तरण गरि कार्यक्रमको शुरुवात भएको थियो ।
समाजका कार्यबाहक अध्यक्ष विष्णुकुमार श्रेष्ठको अध्यक्षतामा भएको कार्यक्रममा बोल्दै प्रमुख अतिथी तेजकुमार मल्लले तनहुँको साविक छाङ्ग गाविसबाट विभिन्न पेशा व्यवसायका लागि पोखरा बसाइसराई गरि आएकाहरुको साझा संस्था छाङ्गेली नेवा खलले विभिन्न साँस्कृतिक गतिविधीका साथ सामाजिक कार्य रक्तदान गरेकोमा खुसी प्रकट गरे ।
प्रदेश रक्त संचार केन्द्र पोखराका प्रमुख अर्जुन ज्ञवालीले अस्पतालमा उपचारर्त रगतको आवश्यकता पर्ने मानिसलाई रगतको बदलामा रगतकै आवश्यक पर्ने भएकाले यसको महत्व अन्य दान भन्दा माथी रहेकाले रक्तदान जीवनदान भनिएको बताए ।
कार्यक्रममा पोखरा चेम्बर अफ कमर्शका उपाध्यक्ष श्याम मल्ल, महासचिब गोकर्ण अधिकारी, लायन्स क्लब अफ पोखरा टुरिजम सिटीका अध्यक्ष जसपाल पाख्रिन तामाङ, रेडियो अन्नपुर्णका स्टेशन म्यानेजर सन्जय मल्ल, समाचार प्रमुख आरजु विष्ट, समाजका सचिब जयराम कायस्थ लगायतले बोलेका थिए ।
कार्यक्रम सम्पन्न गर्नका लागि समाजका सदस्य सन्जय मल्लको संयोजकत्वमा बिभिन्न उपसमिति बनाइएको थियो ।
जसको आर्थिक व्यवस्थापन उपसमिती संयोजक श्याम मल्ल, सदस्यहरु हेमन्त मल्ल र बालकृष्ण श्रेष्ठ, प्रचारप्रसार उपसमिती संयोजक जयराम कायस्थ, सदस्यहरु सुर्यराज राजभण्डारी र कृष्ण मल्ल रहेका थिए ।
यसैगरि अतिथी सत्कार उपसमिती संयोजक सुना मल्ल, सदस्यहरु रमेश मल्ल, सयना श्रेष्ठ, प्रमाण पत्र तथा मायाको चिनो उपसमिती संयोजक रामप्रताप मल्ल, सदस्य मोहन मल्ल, जलपान व्यवस्थापन उपसमितिी संयोजक मिलन श्रेष्ठ, सदस्यहरु मणिराज मल्लर रामलाल श्रेष्ठ रहेका थिए । कार्यक्रम प्रदेश रक्तसंचार केन्द्रको व्यवस्थापनमा सम्पन्न भएको थियो ।
