नेपाली कांग्रेसका नेता एवं प्रतिनिधिसभा सदस्य रामहरि खतिवडाले राष्ट्रिय स्वतन्त्र पार्टी (रास्वपा)का सभापति रवि लामिछानेलाई लक्षित गर्दै उनले केही मान्छेहरुले जेलमा बस्दा पनि ठगी गर्न नछाडेको बताए ।
आज (शनिबार) प्रतिनिधिसभाको बैठकबाट बाहिरिने क्रममा सञ्चारकर्मीहरुसँग संक्षिप्त कुराकानी गर्दै उनले रविको समूहले ‘जेलमा परेको छु, सहयोग गर्नुस्’ भनेर पैसा उठाउन थालिएको दाबी गरे ।
‘जेलमा बस्दा होस् वा बाहिर हुँदा होस् ठगी गर्ने नछोड्ने प्रवृत्ति बढेको छ । जोसुकै होस्, जेलमा परेको छु, सहयोग गर्नुस् भनेर चन्दा उठाउन थाल्यो भने के गर्नुहुन्छ ? मान्छेहरु यस्ता पनि देखिन थालेका छन्,’– उनले भने ।
‘रास्वपाको हस्ताक्षर अभियानलाई कसरी हेर्नुभएको छ ?’ भन्ने प्रश्नमा उनले भने, ‘हस्ताक्षर गर्न पाइन्छ, ठग्न पाइँदैन । हस्ताक्षर गर्दा पनि चन्दा लिने ? सही पनि गर्न लगाउने, चन्दा पनि देऊ भन्ने ?’
