दिपक के श्रेष्ठः राष्ट्रिय युवा संघ नेपालको पोखरामा हालै सम्पन्न दशौं महााधिवेशनबाट पुनः अध्यक्षमा निर्वाचित क्षितिज थेबेले आज पत्रकारबिच संघको भावी योजना सुनाएका छन् ।
देशमा युवालाई व्यवसाय र रोजगारसँग जोडने नीति अघिल्लै कार्यकालबाट सुरु गरेको बताउँदै उनले यसलाई अझ विस्तारित गर्ने सुनाए ।
‘अबको ३ वर्षे कार्यकालमा करिब ३ लाख युवा उद्यमी जन्माउने योजना छ’ अध्यक्ष थेबेले भनेका छन् ‘जसबाट ३० लाख रोजगार बढाउने प्रतिबद्धता गर्दछु ।’
महाधिवेशनमा सहभागी हुन देशभरबाट आएका प्रतिनिधिले चढेको गाडी र भएको खर्चबारे सोधिएको प्रश्नमा थेबेले भने ‘हामी सबै आयमूलक काम, व्यवसायमा जुटेका छौं, कसैको चन्दा र सहयोग लिएर पोखरा आएका होइनौ ।’
थेबेका अनुसार महाधिवेशनमा झण्डै १ करोड रुपैयाँ खर्च भएको छ । जसलाई सहभागीहरु स्वयंले व्यहोरेका छन् ।
महाधिवेशन आयोजना गर्न कसैबाट पनि चन्दा, सहयोग नमागिएको भन्दै उनले यसबीच महाधिवेशन सभ्य र भव्य भएको दाबी गरे ।
महाधिवेशनको बन्द सत्रबाट ‘समृद्ध नेपाल, सुखी नेपाल’को नारालाई वास्तविकतामा उतार्ने संकल्प र योजना रहेको भन्दै उनले गणतन्त्रप्रति युवा संघले कुनैपनि सम्झौता नगर्ने बताए ।
