नयाँलिपिः गत शुक्रबार राजधानीमा भएको राजावादी आन्दोलनकाक्रममा कोटेश्वरस्थित भाटभटेनीमा भएको लुटपाटकाक्रममा सुरक्षागार्डले देखाएको अदम्स साहसको अहिले चर्चा चलिरहेको छ ।
यसैबीच, उनै सुरक्षाकर्मी दुलप्रसाद पराजुलीलाई आज भाटभटेनी सुपरमार्केटले सम्मान गरेको छ । सम्मानित हुने क्रममा पराजुलीले भने ‘मैले भाटभटेनीकै जागिरबाट घर र गाडी जोडेको छु, छोरा पढाए, बिहे गरिदिए ।’
करिब २५ जनासँग एक्लै भिडेका पराजुलीले सञ्चारकर्मीसमक्ष भने ‘आतंककारी आए, ढुंगामुडा गरे, सबै पसेर लुटपाट मच्चाएपछि सबै मिलेर प्रतिकार गरेका हौं ।’ उनले भनेका छन्, ‘त्यसबेला मलाई डरै लागेन ।’
उनको साहसको कदर गर्दै भाटभटेनीका सञ्चालक मीनबहादुर गुरुङले बुधबार उनलाई ५ लाख १ हजार १११ रुपैयाँ नगद पुरस्कारसहित सम्मान गरे।
