पोखरा । पोखरा महानगरपालिका १२ नम्बर वडाले वडाबासीलाई कौसी खेतीमा पोख्त बनाउनको लागि तालिमको आयोजना गरेको छ ।
वडा भित्रका महिलालाई आयआर्जनमा थौरै भए पनि सहज होस भन्ने हेतुले तालिम दिइएको वडाध्यक्ष सन्तोष बास्तोलाले बताए ।
तालिममा अर्गानिक तरकारी खेतिको आवश्यकता, माटोको तयारी, बाली छनौट, बेर्ना उत्पादन, बेर्ना सार्ने प्रक्रिया, मलखाद ब्यवस्थापन, सम्भावित रोग र निदानका उपाय र बाली भित्र्याउने प्रक्रिया सिकाइने पोखरा महानगरपालिका कृषि तथा आर्थिक विकास महाशाखा प्रमुख मनहर कडरियाले जानकारी दिए ।
पोखरा १२ ले शहर बस्न बाध्य महिला दिदि बहिनीहरुलाई केहि हद सम्म सहयोग पुगोस भन्ने मनसाय अनुरुप कौसी खेतीको तालिम गर्नुको साथै बीउ र मल समेत निःशुल्क वितरण गरेको छ ।
कौसी खेतीलाई बढवा दिन पोखरा महानगरपालिकाले थालेको कार्यक्रमलाई पोखरा १२ ले पनि साथ दिएको हो । तालिममा कौसी खेती कृषकले आ–आफ्ना अनुभव साटेका छन ।
