विन्दुकुमार थापाः निर्वाचित हुनुअघि नै राज्यबाट पाउने सेवा सुविधा सामाजिक सेवामा खर्च गर्ने प्रण थियो ।
सोहिअनुरुप हिजो प्रदेश सांसद हुँदा होस् या अहिले बहालवाला मन्त्रीकारुपमा सेवा गरिरहँदा होस् मैले प्राप्त गर्ने सबै आर्थिक सुविधा विकास निर्माण र सामाजिक कार्यमा लगाएको छु ।
प्रदेश सरकारबाट प्राप्त निवासको सुविधा पनि लिएको छैन । जुन विषय यहाँहरु सबैलाई अवगत नै छ । २०७४ सालदेखि हालसम्म मेरो बैंक खातामा ५८ लाख ५८ हजार ५ सय ४३ रुपैयाँ जम्मा भएको छ ।
यो रकम बैठकभत्तादेखि मासिक पारिश्रमिक र अन्य सेवा सुविधा समेतको हो । निर्वाचित भएदेखि हालसम्म मैले विकास निर्माण र सामाजिक कार्यमा आफ्नो व्यक्तिगत रकम समेत थप गरी ७९ लाख ४२ हजार ३ सय ९० रुपैयाँ खर्च गरेको छु ।
यस अवधिमा प्रत्यक्ष रुपमा सहयोग गर्नुहुने सम्पुर्ण प्रति हार्दिक अभार व्यक्त गर्दै सधैं रचनात्मक सुझावको अपेक्षा गर्दछु । सेवा सुविधा व्यक्तिगत लाभका लागि होइन, जनताको हितका लागि हो ।
शिक्षादेखि स्वास्थ्य, खेलकुददेखि सशक्तिकरणसम्म—समाजका लागि समर्पित!
