एजेन्सी । इंग्लिस प्रिमियर लिग फुटबल अन्तर्गत म्यान्चेस्टर सिटीले सहज जित निकालेको छ ।
गएराति भएको खेलमा सिटीले इप्सविच टाउनलाई उसकै घरेलु मैदानमा ६–० गोलले हराएको हो ।
सिटीलाई फराकिलो जित दिलाउन फिल फोडेनले दुई तथा कोभासिच, जेरेमी डोकु, एर्लिङ हालाण्ड र जेम्स म्याकाटीले एक–एक गोल गरे ।
जितसँगै सिटी २२ खेलबाट ३८ अंकका साथ तालिकाको चौंथो स्थानमा छ । इप्सविच १६ अंकका साथ १८ औं स्थानमा छ ।
यस्तै, गएराति नै भएको अर्को खेलमा म्यान्चेस्टर युनाइटेडले हार ब्यहोरेको छ ।
युनाइटेड घरेलु मैदानमै ब्राइटनसँग १–३ गोलले स्तब्ध बनेको हो । यो हार सङै युनाईटेड २६ अंकका साथ १३ औं स्थानमा छ । ब्राइटन ३४ अंकका ९ औं स्थानमा रहेको छ ।
