नयाँलिपिः आफुसँग भएको जग्गा जमिन पास गरिदिन्छु भन्दै १ व्यक्तिसँँग ३ लाख रुपैयाँ लिएर फरार भएका राजु कार्की पक्राउ परेका छन् ।
आफु नेपाल आर्मीको अफिसर भएको भन्दै झुक्याए उक्त रकम ठगी गरेको पीडितको जाहेरीपछि ललितपुर प्रहरीले कार्कीलाई पक्राउ गरेको हो । ३० वर्षीय कार्की रामेछाप मन्थली घर भई भक्तपुरको ठिमी बस्दै आएका थिए ।
उनले ठगी गरेका व्यक्ति ललितपुर निवासी हुन् । कार्कीबाट स्कुटर, मोबाइल, चेक र केही नगद बरामद गरिएको छ ।
कार्कीमाथि थप अनुसन्धान तथा कारवाही अघि बढाइएको उपत्यका अपराध अनुसन्धान कार्यालयका प्रहरी उपरीक्षक काजीकुमार आचार्यले जनाएका छन् ।
