नयाँलिपिः त्रिभुवन विश्वविद्यालयको ठूलो आंगिक क्याम्पस, पृथ्वीनारायाण क्याम्पसको प्रमुखमा ५ जनाले दाबेदारी पेश गरेका छन् ।
दाबी पेश गर्नेमा प्राडा टंकराज अधिकारी, सहप्राडा वीरबहादुर कार्की, प्रा लालबहादुर कुँवर, प्राडा शोभाकान्त लामिछाने र प्राडा हरिप्रसद पाठक रहेका छन् ।
जसमध्ये प्रा लालबहादुर कुँवरको सम्भावना अधिक रहेको प्राध्यापकहरुले जनाएका छन् । यद्यपि, सहकर्मी प्राध्यापकहरुको दाबी कति सही सावित हुनेछ हेर्न बाँकी छ ।
हालै त्रिविले १२ वटा क्याम्पस प्रमुखका लागी ४९ जनाको सर्टलिष्ट सार्वजनिक गरेको छ । क्याम्पस प्रमुख छनौट समितिले विभिन्न १२ वटा क्याम्पसका प्रमुखको सर्टलिष्ट सार्वजनिक गरेको हो ।
