तनहुँ, शम्भु श्रेष्ठ । तनहुँको मैबलस्थित श्री सरस्वती सदन मा.वि को ५३ औं वार्षिकोत्सव तथा अभिभावक दिवस भव्यरुपमा सम्पन्न भएको छ ।
कार्यक्रमको उद्धघाटन गर्दे प्रमुख अतिथि भानु नगरपालिकाका उप-प्रमुख उमा गोतामाले समाज विकासमा शिक्षाको महत्व भएको बताउदै भानु नगरपालिकाले श्री सरस्वती सदनको शैक्षिक र भौतिक विकासमा सक्दो सहयोग गर्ने प्रतिबद्धता व्यक्त गरेकी छिन ।
कार्यक्रममा विशेष अतिथि पूर्व प्र.अ पदम किरण राना,बाबुलाल प्रधान,समाजसेवी चिजकुमार श्रेष्ठ लगायतले शुभकामना मन्तव्य व्यक्त गरेका थिए ।
कार्यक्रममा खेलकुद प्रतियोगितामा उत्कृष्ट नतिजा प्राप्त गरेका विजेता विद्यार्थीहरुलाई पुरस्कार वितरण गर्नुका साथै पदम किरण, बाबुलाल प्रधान, नारायण पौडेल, सुदिप परियार, रेशम श्रेष्ठ र मालती नेपालीलाई सम्मान समेत गरिएको शिक्षक सुसिल न्यौपानेले बताए । सो कार्यक्रममा विद्यालयका छात्र छात्राहरुले विभिन्न सांस्कृतिक नृत्य समेत प्रस्तुत गरेका थिए ।
भानु नगरपालिका वडा ५ का वडा अध्यक्ष साथै विद्यालय व्यवस्थापन समितिका अध्यक्ष नहकुल अधिकारीको अध्यक्षतामा सम्पन्न भएको कार्यक्रममा विद्यालयका प्र.अ होमनारायण श्रेष्ठले वार्षिक प्रतिबेदन प्रस्तुत गरेका थिए ।
कार्यक्रममा शिक्षक अभिभावक संघका अध्यक्ष रामकाजी शाही, चैनपुरटोल विकास संस्थाका अध्यक्ष कल्पना शाही, पूर्व विद्यार्थी मञ्चका अध्यक्ष किरण श्रेष्ठ, रमिते सामुदायिक वनका अध्यक्ष दुर्गा बहादुर खाती लगायत विभिन्न संघ संस्थाका प्रतिनिधिहरुको उपस्थिति रहेको थियो ।
कार्यक्रमको संचालन रविन्द्र खातीले र स्वागत मन्तव्य सह–प्राचार्य विना तिमिल्सेनाले गरेकी थिईन ।
